وزیر اعلیٰ نے ڈی جی خان حادثے کی رپورٹ طلب کر لی

تازہ ترین قومی

وزیر اعلیٰ پنجاب سردار عثمان بزدار نے ڈیرہ غازی خان ٹریفک حادثے سے متعلق کمشنر اور آر پی او سے رپورٹ طلب کر لی۔

عثمان بزدار نے ہدایت کی کہ غفلت کے ذمہ دار کو فی الفور قانون کی گرفت میں لایا جائے اور المناک واقعہ کی تحقیقات کر کے غفلت کے مرتکب افراد کا تعین کیا جائے۔

یہ بھی پڑھیں:ڈیرہ غازی خان، بس اور ٹرک میں ٹکر، 25 افراد جاں بحق

وزیر اعلیٰ نے مزید کہاکہ جن کی بھی غفلت سے انسانی زندگیاں ضائع ہوئیں ان کے خلاف کارروائی کی جائے۔

واضح رہے کہ ڈیرہ غازی خان میں تونسہ روڈ پر سیالکوٹ سے راجن پور آنے والی مسافر بس اور ٹرک میں خوفناک تصادم کے باعث 25 افراد جاں بحق جبکہ 35 زخمی ہوگئے، بیشتر زخمیوں کی حالت تشویشناک ہے۔